MAORI311-23X (TGA)
Te Reo Māori: Advanced 1
15 Points
Staff
Convenor(s)
Ngairo Eruera
3537
TCBD.4.03F
ngairo.eruera@waikato.ac.nz
|
Librarian(s)
You can contact staff by:
- Calling +64 7 838 4466 select option 1, then enter the extension.
-
Extensions starting with 4, 5, 9 or 3 can also be direct dialled:
- For extensions starting with 4: dial +64 7 838 extension.
- For extensions starting with 5: dial +64 7 858 extension.
- For extensions starting with 9: dial +64 7 837 extension.
- For extensions starting with 3: dial +64 7 2620 + the last 3 digits of the extension e.g. 3123 = +64 7 262 0123.
What this paper is about
Ko Tūwanawana ka karakia i āna karakia, ka pai. Ko Tū te āwhiowhio, ka pai.
Ko Kīngi Tūheitia Pōtatau Te Wherowhero te Tuawhitu ki tōna ahurewa tapu, rire, rire, hau! Pai mārire.
Kei whakairia i kōnei te kaupapa, te rā o te Kīngitanga, kei ā te 15 o Hepetema nei, hei whakanui ake mā tātou ngā kanohi o Te Whare Wānanga o Waikato whānui. Kia renarena tonu te taukaea tangata, te taukaea wairua ki te mauri o te motu. Ka hīritia te ingoa o te Kīngi ki tōna ahurewa tapu, rire, hau! Paimārire.
Ko te hunga kua ohi mai hei māhuri, nau mai hoki mai. Tēnā anō koutou e pariri tonu nei, e toropā atu ana ki ngā paiaka kōrero a kui mā, koro mā. Me kapo mai i aua kamehameha i mahue mai i ō tātou tūpuna, ko rātou tonu kei te ārahi i a tātou, kia whanake ai, kia puāwai mai ai te ‘Māhuri’ e tū pakari nei. He akoranga tēnei hei whakapakari anō i te taha whakarongo me te taha kōrero ka tahi, ko te taha pānui me te tuhituhi ka rua. Heoi anō rā te taha ki te tuku i tō te manu tīoriori reo kia rere i runga i ngā tāhuna kōrero, whānui, whāroa nei te takoto.
I kō atu i ēnā, ko ētehi atu whāinga o tēnei o ngā akoranga he whāngai hoki i ētehi kupu hou, ngā rerenga hou hoki, me te totoro atu ki ngā kaupapa huhua, arā, ka tirohia te reta, te kīwaha, te kare ā roto, te tautohetohe.
Tēnei te tuku whakamihi ki a koutou katoa e aro mai ana ki tō tātou reo rangatira. Riakina, hikitia, whakatairangahia ake.
How this paper will be taught
Ka whai atu tēnei pepa i te MAORI212. Heoi anō, ko tā tēnei akoranga ko tōna whāinga matua, ko te ako ki te whiu o te kōrero ki tā te māori, whakawhiu atu ai. E whā wiki te roa o tēnei akoranga, tekau mā rima piro te uara. Kua mau tonu ki ngā kōawa e rua. Ka mutu, ko te reo Māori te reo kōrero i ngā kauhau me ngā akoranga whakaturuki.
Ka kawea ngā akomanga mai a Mane ki Taite, 9 karaka i te ata ki 3 karaka i te ahiahi. Hei ngā ahiahi o Mane ki Taite ngā akoranga turuki (2-3pm). Hei ngā ahiahi Wenerei te kapahaka (1-2pm).
Ka kotahi te kōrero ā-waha hei ia wiki tauheke (wiki 1 me 3), ā, kotahi hoki te kairoro hei ia wiki tauheke (wiki 1 me 3). Me tae ā-tinana koutou ki ngā kauhau e rua. Kei runga o Mūtara ngā kairoro.
I roto i ngā kauhau ka āta tirohia ngā rerenga hou me ngā kupu hou e ako haere nei tātou i roto i tēnei pepa. Katoa ēnei hei whakamahinga mā te tauira kia whai horopaki ki roto i āna Kōrero ā-Waha e rua, i roto i ngā haereeretanga o te ia rā hoki. Waihoki, me mau i te tauira ēnei whakaakoranga kia āhei ai ia ki te whakatutuki i ngā Mahi Kāinga Mūtara e rua, kia rite hoki ki ngā Whakamātautau 1 me 2 hei ngā wiki taurua (wiki 2 me 4) o te pepa nei. Ko te tino whāinga, ko te whakapakari i ngā pūkenga reo Māori o te tauira, arā, ko ngā pūkenga pānui, kōrero, rangahau, whakarongo anō hoki.
Ko tā te tauira he whakaū i ngā āhuatanga o te reo kua ākona, he ngana hoki ki te whakakōrero i a ia anō hoki.
Learning Outcomes
Students who successfully complete the course should be able to:
Assessments
How you will be assessed
WHAKAMĀTAUTAU
Whakamātautau Poto 1: 15 September, 2023 (9:00am-12:00pm)
Whakamātautau Poto 2: 22 September, 2023 (9:00am-12:00pm)
Koinei ngā whakamātautau e titiro ana ki te taha whakarongo, pānui me te tuhituhi. Mā ngā kaiako ngā whakamātautau hei whakamārama ake i te wiki o ia whakamātautau.
He mea whakairi ki runga o Mūtara, ngā whakaritenga. Ki reira tukuna atu ai ngā whakautu hoki a te tauira.
TUHINGAROA
Te rā e tuku ai: 15 o Hepetema, 2023 (3:00pm)
Kaupapa: E rua ngā kaupapa o te tuhingaroa, māu koa e whiriwhiri kia kotahi.
Kaupapa tuatahi:
Pātai: He aha tētahi kaupapa tōrangapū nui ki ō iwi?
Ko te tūāpapa o āu kōrero māu hei whakakīnaki haere ki ētahi kōrero a ō mātua tūpuna. Kei te mārama atu tērā pea kāore kau ētahi kōrero i te takoto i ngā pukapuka, ki te kore he kōrero i ngā pukapuka, mātua tīkina atu te kaupapa tuarua, inā he whiwhi māka mō te tautokohia o āu kōrero ki ngā kōrero i ngā pukapuka, tuhinga rānei.
Kaupapa tuarua:
Pātai: He aha ngā mahi a te Māori kia ora ai tōna reo Māori?
He aha rānei ngā mahi a tō iwi kia ora ai tōna reo Māori? Kei a koe anō te tikanga o te hoki noa atu ki te rau tau o te tekau mā iwa, rua tekau, te noho kē rānei ki ngā mahi o ngā tau toru tekau, whā tekau tau rānei nei.
- Me āta whakatakoto e koe ngā tohutoro tautoko i tāu rangahau kia mana ai te kōrero. APA te taera tohutoro me whai, ā, ka āta tirohia hoki tēnei i roto i ā tātou kauhau.
•Whakaarohia ake te tika o te reo patopato me te whakatakoto o ngā rerenga kōrero. Me whakamahi hoki e koe ngā kupu / rerenga hou o tēnei wāhanga i roto i āu korero.
• Tuhia te takiwā o te 1000-1200 ngā kupu te roa. Ko te kounga o te reo tāu e whai nei!.
KŌRERO Ā-WAHA 1 (Mahi Takirua)
Te rā e tuku ai: 1 o Hepetema, 2023
Te roa: 3 mēneti
Tākaro Hākinakina rānei - Kaupapa: Whakamāramatia tētehi tohutaka hākinakina pai ki a kōrua
Me taki āu kōrero mā te whakaaturanga ā pana-hiko, whakaaturanga rānei
• me whakatauira mai e kitea ai āu mahi tākaro, hākinakina rānei.
Me whakamahi hoki e koe ngā kupu / rerenga hou o tēnei wāhanga o te pepa i roto i āu kōrero.
• Kia 6 meneti te roa mō te tokorua. (3 meneti mō ia tangata)
Me tuku tēnei ā-hopukanga ki te kaiako.
KŌRERO Ā-WAHA 2 - (Kōrero Tene)
Te rā e tuku ai: 15 o Hepetema, 2023
Te roa: 3 mēneti
Te kōrero tene
Mā ia ākonga e whiriwhiri tētahi kaupapa, hei kaupapa kōrero māna i roto i te wā poto.
Me tīmata ki tētahi mihi ngāwari, kātahi ka ruku tōtika ki roto i ngā kōrero..
Me whakamahi hoki e koe ngā kupu / rerenga hou o tēnei wāhanga o te pepa i roto i āu kōrero.
• Kia 3 meneti te roa o te kōrero tene
MAHI KĀINGA 1 - MOODLE
Katoa atu o ēnei ka tirohia e tātou i te karaehe i mua i te tohatohatanga ki a koutou.
MAHI KĀINGA 2 - MOODLE
Katoa atu o ēnei ka tirohia e tātou i te karaehe i mua i te tohatohatanga ki a koutou.
The internal assessment/exam ratio (as stated in the University Calendar) is 100:0. There is no final exam.